بارش ہورہی ہے

یہ ایک سنسنی خیز لمحہ ہے
ہم میں سے کوئی بھی ہاتھ چھڑا نہیں سکتا
تمہاری بدن کی طرف
میرے ہاتھ بہتے پانیوں کی طرح اترتے ہیں
اور ایک لمحے کی دیر نہیں ہوتی
کہ تیز روشنی ہمیں پکڑ لیتی ہے
اب ہم چیختی آوازوں کے درمیاں ہیں
کالی راتوں میں تیز ہواوں کا شور
ہمیں ڈرانے لگتا ہے
مگر سب سے اچھا خواب
تمہاری یادوں کے پھیلے ہوئے طلسم کا ہے
بارش ہورہی ہے
ہوا کا چہرہ صاف ہے
اور تم صبح کی طرح طلوع ہو رہی ہو

One thought on “بارش ہورہی ہے”

Leave a Reply

Your email address will not be published. Required fields are marked *